Eric Kwok擔心比太太先行一步 七師傅：提前幫佢搵定一個男人

郭偉亮（Eric Kwok）上周四（10/2）推出既破格又浪漫的新歌《等埋你》，由於歌詞內容「死死聲」，擔心不太吉利，Eric Kwok日前邀請七仙羽師傅為歌曲加持，七師傅向他說：「冇死就冇生，因為人嘅一生係一個輸迴。」Eric Kwok感無語。
同場加映：After Class聲夢四小花感情好零拗撬 與COLLAR風格各異望互相學習

{{hket:ul-video id="5280"}}{{/hket:ul-video}}

{{hket:inline-image name="145013291_161501645564352_7772614355314245843_n.jpg"}}{{/hket:inline-image}}

還記得張敬軒在《2021年度叱咤樂壇流行榜頒獎典禮》前夕，他請來有「香港狼辣度」之稱的七師傅，她的名言是「信我Master 7，你今年就Lucky 7」，軒仔又怎可錯過機會，希望七師傅為他加持，當時七師傅一句「CHIT CHA樂壇張劍謙」，結果，軒仔獲頒男歌手金獎，《The Brightest Darkness》亦得到至尊唱片大獎，《俏郎君》更奪得叱咤十大第三位。當然，這全是軒仔努力的成果。

張敬軒有望成今年男歌手大滿貫 七仙羽加持：CHIT CHA樂壇張劍謙【下一頁】

有見及此，就連Eric Kwok出新歌都要七師傅加持，他指《等埋你》是一首情歌，但擔心自己唱完這首歌後會有生命危險，七師傅即說：「唔驚，百無禁忌，冇死就冇生，因為人嘅一生係一個輸迴，死而後生，死裡逃生。」

歌詞中提及到，「擔心早一秒斷氣 ，照顧你再沒權利，在天國，難道捨得你」，Eric Kwok很擔心自己先行一步，得番老婆葉佩雯（Grace）一個人，七師傅說：「你老婆咁靚，絕對有男人要，你提前幫佢搵定一個男人先，得唔得呀？」Eric Kwok聽到點點頭，七師傅跟他說：「你全部嘢，我乜都知！你同你老婆做過啲乜嘢，我都知！」Eric Kwok說：「我同我老婆對幾時做過啲乜嘢？」七師傅笑說：「不遠嘅時間。」Eric Kwok聞後放聲大笑。而Grace在IG亦有留言：「你快啲幫我搵定個男朋友啦，我認真㗎！」並附上大笑emoji。

【七國咁亂】郭偉亮馮德倫初則口角繼而動武 謝霆鋒爆粗勸交張栢芝打木人樁【下一頁】

七師傅表示已為自己改了花名，名叫「七桃」，她說：「桃花個桃。」Eric Kwok笑問：「頭定桃？」她指自己身又高、樣靚又後生，Eric Kwok連番點頭說：「係呀，你好靚呀七師傅，好唔錯。」最後，Eric Kwok現屬環球唱片公司，他問七師傅環球和商台會何時破冰？七師傅說：「咩冰？食冰？商台有個CEO，你同佢搞好關係嘛，有個女人，好靚㗎！你去到佢屋企，敲吓佢門，你著性感啲入佢屋企，保證商台一定播你嘅歌，如果唔播，我幫你去搞其他人，我會搞少爺占、當奴。唉，你有好多潛規則，你要陪男又要陪女，都幾奔波勞碌。」Eric Kwok只好邊聽邊笑！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}